طالبلرنینگ تشقی ایشلر وزیرلیگی بیر بیانات نشر قیلیب، تاجیکستاننینگ ختلان ولایتیده، چین وطنداشلریگه قرشی اویوشتیریلگن هجومنی قارهلدی.
دیمک اوشبو هجوم نتیجهسیده، چیننینگ اوچ کیشی وطنداشی جان بېرگنی خبر قیلینگن.
طالبلر تشقی ایشلر وزیرلیگی بوگون (جمعه،۷ قوس) نشر قیلگن بیاناتیده، اوشبو واقعه قربانلرینینگ عایلهلری بیلن قیغوداشلیک بیلدیریلگن.
تاجیکستان تشقی ایشلر وزیرلیگی اۉتگن کون، اوشبو مملکتنینگ ختلان ولایتیده افغانستان توپراغیدن اویوشتیریلگن قوراللی هجوم نتیجهسیده، چین وطنداشلری بۉلگن اوچ کیشی جان بېرگنینی اعلام قیلگن اېدی.
ایتیلیشیچه هجوم «شاهین اسامالالسی» شرکتی خادملریگه قرشی اۉقاتر قورال و نارنجک تشووچی پهپاد یاردمیده عملگه آشیریلگن.
طالبان تشقی ایشلر وزیرلیگی بیاناتیده قید اېتیلیشیچه، دستلبکی تېکشیرووگه کۉره، اوشبو هجوم منطقهده ترتیبسیزلیک و برقرارسیزلیک یرهتیش همده دولتلر اۉرتهسیده ایشانچسیزلیک اویغاتیشگه اینتیلهیاتگن گروهلر ایشی بۉلیشی ممکن.
شونینگدېک طالبان هجوم سببلرینی انیقلش اوچون تاجیکستان بیلن تۉلیق همکارلیککه جملهدن، معلومات المشیش، تخنیکي کمک کۉرسهتیش و قۉشمه بهالش اۉتکزیشگه تیار اېکنلیگینی بیلدیرگن وزیرلیک.
