قزاقستان میزبانلیگیده اقتصادی همکارلر تشکیلاتی یا ده «ایکو» تشکیلاتیگه اعضا مملکتلر تشقی ایشلر وزیرلرینینگ ۱۹- دور ییغینی آنلاین اۉتکزیلدی.
ییغینده تشکیلاتگه اعضا مملکتلر تشقی ایشلر وزیرلری، اۉز-ارا مناسبتلر اینقسه اقتصادی همکارلیکلر خصوصیده فکر المشتیرگن.
ییغینده، طالبان، اۉزبېکستان، قزاقستان، تورکیه، تورکمنستان، آذربایجان، قیرغیزستان، تاجیکستان و قبرس تورک جمهوریتی وکیللریگه قوشیمچه، تورکی دولتلر تشکیلاتیدن هم نماینده اشتراک قیلگن.
اۉزبېکستان تشقی ایشلر وزیری بختیار سعیدوف بو حقده یازگن بیاناتیده، ییغینده ثمرهلی بحثلر بۉلینگنینی اعلام قیلدی.
سعیدوف ییغین بحثلری، ایکو تشکیلاتیگه اعضا مملکتلر اۉز-ارا باغلیقلیکچیلیک مستحکملنیشی و خلقلر فراوانلیگی همده رواجلنیشیگه قرهتیلگنینی هم قوشیمچه قیلدی.
طالبان تشقی ایشلر وزیری امیرخان متقی، ایکو تشکیلاتیگه اعضا مملکتلردن افغانستانده موجود اقتصادی ظرفیتلردن فایدهلنیشلرینی طلب قیلگن.
ایتیش کېرەک که ایکو تشکیلاتی اعضالری حاضرگچه طالباننی رسمیتگه تَن آلمهگن بۉلمسه هم بیراق بو تشکیلات ییغینلریده طالباننی چقیرماقده.
ایککی کون ایلگری طالبان صناعت و سودا وزیری نورالدین عزیزی هم استانبول شهریده اۉتکزیلگن، ایکو تشکیلاتی ییغینیده اشتراک اېتکن اېدی.
