خبرلرگه کۉره، ننگرهار ولایتی نینگ کامی تومنیده ایکّی عایله اعضالری اۉرتهسیدهگی قوراللی تۉقنشوو عاقبتیده بیر کیشی هلاک بۉلگن و ینه ایکّی کیشی یرهلنگن.
بوحقده نشر بۉلگن خبرلر اساسیده، اوشبو تومن اهالیسیدن بیری شاه زمان نینگ ایتیشیچه، حادثه جمعه کېچه کېچقورون ، 7 – قوس کامی تومنی نینگ « شیهلام » قیشلاغی، « شنیقلعه » حدودیده یوز بېرگن.
ایتیلیشیچه، هر ایکّی عایله اوّل آغزهکی تارتیشیب قالگن، سۉنگره بیر-بیرلریگه قرهته اۉق آتیشکن. نتیجهده بیر عایله اعضاسیدن بیر کیشی هلاک بۉلگن، باشقه عایلهدن اېسه ایکّی کیشی یرهلنگن.
شاه زمان خبرلرگه شوندی دېگن: «بو ایکّی عایله تۉی مراسمی بۉلیب اۉتهیاتگن قیشلاق اهالیسیدن. مراسم دوامیده اولر اۉزارا جنجللشیب، کېین بیر-بیرلریگه اۉق آتیشدی. عاقبتده بیر کیشی هلاک بۉلدی و ایکّی کیشی یرهلندی.»
ننگرهاردهگی طالبان خوفسیزلیک قوماندانلیگی رسميلری هم بو حادثهنی تصدیقلب، واقعهدن کېین اولر نینگ کوچلری حدودگه یېتیب باریب، یرهلنگنلر دوالنیش اوچون محلي شفاخانهگه آلیب باریشگنینی معلوم قیلگن.
