طالبان کانلر و پترولیم وزیرلیگی بیر بیانات نشر قیلیب، آمو دریا تیل حوزهسیده واقع انگوت کانیدن ایشلب چیقاریلگن ۱۰ مینگ تُن تیل ساتیلگنیدن خبر بېردی.
طالبان اوشبو وزیرلیگی تامانیدن نشر اېتیلگن معلوماتگه کۉره، مذکور تیل «افغان صافی» ناملی کمپنیهگه ساتیلگنی اَیتیلگن.
بو حقده نشر اېتیلگن معلوماتنی بیلدیریشیچه، طالبان بو تیلنی ۴.۵ میلیون امریکا دالریگه ساتگن.
عینی حالده طالبان کانلر و پترولیم وزیرلیگی ینه علیحده بیر بیانات نشر قیلیب، آمودریا تیل حوزهسی نینگ قشقری حدودیدن هم ۱۸ مینگ تُن تیل ساتیلیشینی اعلام قیلدی.
طالبان اوشبو مقداردهگی تیل داوطلبلیککه قۉییلگنینی معلوم قیلدی.
طالبان شوندی بیرحالده بو کانلردن کتته عایدلرنی قۉلگه کېلتیرماقده دیر که کانلر جایلهشگن سرپل کبی ولایتلر اهالیسی، ایشسیزلیک و آغیر شرایطلرده حیات کېچیرماقده دیر.
