خوست ولایتیده طالبان حکومتی تامانیدن بوگون اېرتهلب بیر کیشی اعدام اېتیلدی.
خوست ولایتیده طالبان محلی رسمیلری تامانیدن نشر اېتیلگن معلوماتگه کۉره، بو ولایت نینگ سپورت استدیونیده، بیر شخص کمیده ۸۰ مینگ انسان حضوریده اعدام اېتیلگن.
دیمک طالبان اۉتگن آقشم بیر بیانات نشر قیلیب، اهالیدن اعدام صحنهسینی تماشا قیلیش مقصدیده، سپورت استدیونیده حضوری تاپیشلرینی سۉرهگن اېدی.
طالبان قراری اساسیده، بوگون اېرتهلب منگل ناملی شخص آدم اۉلدیریش عیبلاوی بیلن قصاص اېتیلدی.
مذکور شخص طالبان رهبری بویروغی اساسیده قتل اېتیلگن.
ایتیش کېرهک که طالبان بوندن ایلگری هم افغانستان ایریم ولایتلریده، بیر قنچه کیشیلرنی عامه حضوریده قتل قیلگن اېدی. طالباننینگ بو حرکتی خلقارا تنقیدلرگه هم سبب بۉلگن.
بیرلشکن ملتلر تشکیلاتی انسان حقلری کېنگشینینگ افغانستان انسان حقلری بۉییچه مخصوص گزارشگری ریچارد بنت، خوست عامه حضوریده اعدام اېتیلیشی برابریده مناسبت بیلدیریب، طالباندن بو کبی جزالشلرنی تۉختهتیشینی سۉرهدی.
