طالبان نینگ بدخشان ولایتیدهگی اخبارات و مدنیت ادارهسی نینگ معلوم قیلیشیچه، بو ولایتده قار یۉلبرسی آرقلی اهالی نینگ چاروا سقلنهدیگن جاییگه اویوشتیریلگن هجوم نتیجهسیده 45 باش چاروا نابود بۉلگن.
مذکور باشقرمه پنجشنبه کونی 13- قوس اعلام قیلگن خبرنامهسیده ایتیشیچه، قار یۉلبرسی دادخدا اسملی شخص نینگ چاروا قۉرگانیگه هجوم قیلیب، نتیجهده 18 باش اېچکی و قۉی هلاک بۉلگن.
خبرنامهگه کۉره، بوندن اوچ کون آلدین هم بدخشان ولایتینینگ کشنی قیشلاغیده قار یۉلبرسی نینگ ینه بیر هجومی عاقبتیده 27 باش قۉی اۉلدیریلگن اېدی.
خبرنامهده ایتیلیشیچه، بو حادثه اوشبو تاغلی منطقهده انسان و یاووایی طبیعت نینگ بیرگه یششی اوچون جدّي آگاهلنتیریش دیر.
چاروالری نابود بۉلگن ماللر اېگهلری طالباندن یېتکزیلگن ضرر اوچون یاردم طلب قیلگنلر.
یقینده طالبان بدخشان ولایتیدن بیر قار یۉلبرسینی کابل حیوانات باغیگه کۉچیریلگنینی هم معلوم قیلگن اېدی.
