آسترالیا تشقی ایشلر وزیرلیگی تامانیدن نشر اېتیلگن قرارگه کۉره، بو مملکت تۉرت یوقاری مرتبهلی طالبان اعضالرینی خاتین-قیزلر همده آزچیلیک گروهلرگه ظلم قیلگنلیک، شونینگدېک، یخشی حکومت و قانون اوستوارلیگینی ضعیفلشتیریش عیبلاوی، تحریم قیلگن.
بو مسالهنی، آسترلیا تشقی ایشلر وزیرلیگی بوگون شنبه ۱۵ – قوس نشر قیلگن بیاناتیده، اعلام قیلدی.
آسترالیا حکومتی تامانیدن، طالبان امر بالمعروف و نهی عن المنکر وزیری محمد خالد حنفی، عالی اۉقوو وزیرلی ندا محمد ندیم، عدلیه وزیری عبدالحکیم شرعی و طالبلر عالی محکمهسی باشلیغی عبدالحکیم حقّاني تحریم اېتیلگن.
بیاناتگه کۉره، اوشبو شخصلردن آسترلیاگه کیریشی منبع قیلینگن و اولر یاکه اولرنینگ نظارتی آستیدهگی تشکیلاتلر بیلن هر قندهی همکارلیک جنایت حسابلنهدی.
طالبان سۉزلاوچیسی ذبیح الله مجاهد، آسترالیا بو قراریگه نسبتن مناسبت بیلدیریب، بو قرارنی سببسیز دېب بیان قیلدی.
شونینگدېک طالبان سۉزلاوچیسی، بو حاکمیت رسمیلری و وزیرلری آسترالیا بیلن هیچ قندهی علاقهسی یۉقلیگینی بیلدیریب، شو سبب بو قرارگه حاجت یۉق اېدی دېب اَیتدی.
