فاریاب ولایتیده طالبان خوفسیزلیک قومندانلیگی، بیر بیانات نشر قیلیب بو ولایتده اوچ کیشی توتقینگه آلینگنیدن خبر بېردی.
طالبان بو شخصلرنی، اۉغیرلیک عیبلاوی بیلن حبسگه آلگن.
فاریاب خوفسیزلیک قومندانلیگی، بیش باش قوینی اۉغیرلگن بو شخصلر، میمنه شهری بیرینچی خوفسیزلیک حدودی حربیلری تامانیدن اوشلنگنینی معلوم قیلدی.
عینی حالده سرپل ولایتیده طالبان خوفسیزلیک قومندانلیگی هم بو ولایتده بیر کیشی اۉغیرلیک عیبلاوی بیلن حبسگه آلینگنیدن خبر بېردی.
طالبان آلتی باش چاورهنی اۉغیرلگن بو شخصنی سانچارک تومنیدن اوشلهگن.
ایتیش کېرەک که سونگی وقتلرده، فاریاب و سرپل ولایتلریده اۉغیرلیک واقعهلری کۉپهیگن.
