طالبان ساغلیقنی سقلش وزیرلیگینینگ اۉرین باسری حمدالله زاهد، ایرانگه سفر قیلیب بو مملکت ساغلیقنی سقلش وزیرلیگی اۉرین باسری مهدی پیرصالحی بیلن اوچرهشدی.
طالبان ساغلیقنی سقلش وزیرلیگی و کابلده ایران ایلچیخانهسی علیحده نشر قیلگن بیاناتلریده اوشبو اوچرهشوو حقیده خبر بېرگن.
اوشبو بیاناتلرده، ایککی تامان اۉرتهسیده دارو سوداسی و بو ساحهدهگی ایشلاوچیلر ظرفیتلرینی کوچهیتیریش مسالهلری بحث اېتیلگنی قید اېتیلگن.
شونینگدېک طالبان، مذکور اوچرهشووده دارو وارد اېتیلیشی خصوصیده قولهیلیک یرهتیلیشی و بو خصوصده موجود کېلیشوو عملگه آشیریلیشی مسالهلری محاکمه قیلینگنیدن هم خبر بېردی.
بو اوچرهشوو شوندی بیرحالده دیر که طالبان ساغلیقنی سقلش وزیری نورجلال جلالی خودی شو مقصد بیلن اۉتگن کون هندوستانگه سفر قیلگن اېدی.
طالبان بو حرکتلری شوندی بیرحالده عملگه آشیریلماقده دیر که بو حاکمیت، پاکستان بیلن تۉقنهشوولری سبب پاکستاندن دارو وارد اېتیلیشینی تقیقلگن.
