تورکیهنینگ انتالیا شهریده، لاجورد یۉلی تدقیقات مرکزی تامانیدن، سیمرغ اکادیمیسی همکارلیگیده «یاش ییتکچیلیگی عملده» دستوری، اۉتکزیلگن.
لاجورد یۉلی تدقیقات مرکزینینگ باشلیغی عالیه ییلماز بو حقده فیسبوک صحیفهسیده یازیشیچه، اوشبو دستور اوچ کونلیک بۉلیب، یاشلر و فعاللر اشتراکیده اۉتکزیلگن.
خانم ییلماز بو دستور «چوقور دیموکراسی» مضمونی اساسیده اۉتکزیلگنینی بیلدیریب، بحثلر چوقور دیموکراسی توشینچهسیگه تهینگن حالده بۉلگنینی هم اعلام قیلدی.
شونینگدېک لاجورد یۉلی تدقیقات مرکزی باشلیغی، بو دستور شعارلردن اوتیب، یاشلرنینگ اونگینی، مسوولیتی و اشتراکینی رواجلنتیریش مقصدیده، اۉتکزیلگنینی هم قوشیمچه قیلگن.
دیمک بوندن ایلگری هم، لاجورد یۉلی تدقیقات مرکزی خوددی شوندی دستورلر و ییغینلرنی اۉتکزگن اېدی.
تورکیه میزبانلیگیده اۉتکزیلگن لاجورد یۉلی تدقیقات ییغینلریده، افغانستان احوالی و کېلهجگیگه عاید مسالهلر بحث اېتیلگن.
