ایران اسلامی جمهوریتینینگ جمهور باشلیغی مسعود پزشکیان، امریکا، اسراییل و اروپا مملکتلری بیرگهلیکده، ایرانگه قرشی اوروش یۉلگه تشلهگن دېب ادعا قیلدی.
پزشکیان اوشبو اوروشنی، ایران و عراقنینگ اوروشیدن کۉره هم آغیرراق دېب بیان قیلدی.
ایران جمهور باشلیغی بو مسالهنی، اوشبو مملکت رهبری ادارهسینینگ ویبسایتی بیلن اۉتکزگن صحبتیده تیلگه آلدی.
عینی حالده ایران جمهور باشلیغی، امریکانینگ بو مملکتگه نسبتن کۉپ باسیملی یاندهشووی دوامینی هم تاکیدلدی.
اونگه کۉره، اوشبو وضعیت سبب ایران حدودلری اینقسه هستهای قورال مرکزلری نشانگه توتیلیب، ایران و امریکا سۉزلهشوولری تۉختهتیلگن.
ایتیش کېرەک که سونگی آیلر ایچیده ایران و اسراییل اۉرتهسیده تۉغریدن تۉغری اوروش یوز بېردی و امریکا و اسراییل ایرانگه قرشی هجوملرنی اویوشتیریب، بو مملکت هستهای قورال مرکزلرینی نشانگه آلدی.
