طالبان ایچکی ایشلر وزیرلیگی نینگ ایتیشیچه، کابل نینگ ۸- حوزهسیده یوزبیرگن یانغین، چمهسی ۲۵۰ مینگ افغانی ضرر گه سبب بولگن. مذکور وزیرلیک نینگ گزارش بیریشیچه، اوشبو واقعه ۹- جدی سهشنبه کونی نانوایلیک بیکتی منطقهسیده جایلشگن بیر بینا و شونینگدیک بیر برگر ساتوچی دکانیده، یوز بیرگن.
حادثه سببی و جانی ضررلر حقیده حاضرگچه تفصیلات بیریلمهگن.
شوندهی بیرحالده، اهالی اوت اوچیرهدیگن تیملرنینگ وقتیده ییتیب کیلمسلیگیدن تنقید قیلماقدهلر.
اَیتیش کیرک که، بوندن آلدین هم مملکت تورلی حدودلری اینقسه بازارلرده یوزبیرگن یانغینلر نتیجهسیده اهالی گه کوپ جانی و مالی ضررلر ییتیشگن ایدی.
