بیرلشگن ملتلر تشکیلاتی نینگ انسان یشش مسکنلری دستوری نینگ معلوم قیلیشیچه، خوست شهری سۉنگگی 19 ییل دوامیده تېز سرعتلرده کېنگهییب، کیچیک شهردن کېنگ افقه اېگه شهرگه ایلنگن.
مذکور تشکیلات بوگون سهشنبه، 16 -جدی اعلام قیلگن بیاناتیده ایتیشیچه، شهرلرنینگ کېنگهییشی اگر رېجهلشتیریش و عاقلانه سرمایه بیلن بیرگه آلیب باریلسه، برچهگه یخشیراق اوی-جای و یشش شرایطلرینی یرهتیشگه آلیب کېلیشی ممکن.
بیرلشکن ملتلر تشکیلاتی نینگ انسان یشش مسکنلری دستوری برچه اوچون فایدهلی بۉلگن شهرلر قوریش ضرورلیگینی تأکیدلهگن.
اوشبو تشکیلات افغانستاندهگی شهرلرنینگ تېز و رېجهسیز کېنگهییب بارهیاتگنیدن بیر نېچه بار خواطر بیلدیرگن.
تشکیلاتگه کۉره، شهرلرنینگ رېجهسیز کېنگهییشی چېکّه منطقه لرده یشاوچیلر سانی نینگ آرتیشیگه و خدمتلرگه بۉلگن امکانیتلرنینگ کمهییشیگه سبب بۉلهدی.
