ایران انسان حقوقلری تشکیلاتی ایرانده بۉلیب اۉتهیاتگن عمومخلق ناراضیلیک نمایشلری نینگ 13-کونی بیلن بیر پیتده حاضرگچه 45 کیشی اۉلگنی و یوزلب آدملر یرهلنگنی حقیده معلوم قیلدی.
مذکور تشکیلات پنجشنبه کونی، 8-جنوری، ایکّی مینگدن آرتیق نمایشچی حبسگه آلینگنینی اعلام قیلدی.
تشکیلات معلوماتیگه کۉره، اوشبو ناراضیلیک نمایشلریده سکّیز نفر باله هم حیاتدن کۉز یومگن.
اوشبو تشکیلات حساباتیگه بناءً، فقط چهارشنبه کونی 13 نفر نمایشچی اۉلگن.
شو بیلن بیرگه، ایران نینگ ایچکی عاموي اخبارات واسطهلری اوزاق سکوتدن سۉنگ جمعه کونی تورلی شهرلرده نمایشچیلر تامانیدن یانغینلر یوز بېرگنی حقیده خبر بېریشدی.
مذکور عاموی اخبارات واسطهلری قربانلر سانی آشگنینی هم معلوم قیلگن، بیراق بو بارهده تفصیلاتلر کېلتیرمهگن.
شونینگدېک، تبعیدده یشهیاتکن ولیعهد رضا پهلوی سۉنگگی ایکّی کون ایچیده بیر نېچه بار ناراضیلیک نمایشلریگه چقیریقلر بیلن چیقدی.
ایران حکومتی اینترنت و خلقارا علاقهلرنی اوزیب قۉیگن.
بو ناراضیلیک نمایشلری دستلب قیمتلیک سبب باشلنگن بۉلسه-ده، کېینچهلیک نمایشچیلر حکومتگه قرشی شعارلر کۉتریب، ایران نینگ دیني حاکمیتی اغدریشنی طلب قیلماقدهلر
