امریکا جمهور رییسی دونالد ترامپ، ایران امریکا قۉشمه ایالتلری بیلن کېلیشووگه اېریشیشنی خواهلهیاتگنینی ایتدی.
ترامپ جمعه کونی آق اویده یقین شرقده امریکا کوچلرینینگ کۉپهیتیریلیشی حقیدهگی سوالگه جوابن، تفصیلات بېرمسدن، ژورنالیستلرگه شوندهی دېدی؛ «شونی ایته آلمنکی، اولر حقیقتاً هم کېلیشوونی خواهلهیپتی».
او تهرانگه کېلیشووگه اېریشیش اوچون مهلت بېریلگنمی، دېگن سوالگه جوابن: «بونی فقط اۉزلری بیلیشهدی»، دېدی.
ترامپ ژورنالیستلرگه ینه شوندهی دېدی: «امید قیلهمنکی، کېلیشووگه اېریشهمیز. اگر کېلیشوو بۉلسه، بو یخشی. اگر کېلیشوو بۉلمهسه، نیمه بۉلیشینی کۉرهمیز».
اېران تشقی ایشلر وزیری عباس عراقچینینگ ایتیشیچه، حاضرچه امریکا بیلن هېچ قندهی مذاکره رېجهلشتیریلمهگن، بیراق تهران «اۉز ارا حرمت» و ایشانچ اساسیدهگی مذاکرهلرگه آچیق.
او کېچه تورکيهده بۉلیب اۉتگن مطبوعات انجمنیده شوندهی «ایران اسلام جمهوریتی مذاکرهلر آلیب باریشده هېچ قندهی معماگه اېگه اېمس، اما تهدید آستیدهگی مذاکرهلر شکللنه آلمهیدی دېدی».
