طالبان عالي اۉقوو وزیری ندامحمد ندیم، «طالبان محکمهلری جنایي اصولنامهسی»گه تنقیدي قرهگنلرنی «کافر» دېب اتهدی.
طالبان عالي اۉقوو وزیرلیگی شنبه، 11 دلو ندیم پکتیا ولایتیدهگی بیر دیني مرکزده نطق سۉزلهگنینی خبر قیلگن.
او اۉز نطقیده ایتیشیچه، طالبان «قانونلرنی» تنقیدچیلر «کافرلر» فکری اساسیده ایشلب چیقمهیدی.
ندیمنینگ قۉشیمچه قیلشیچه، تنقیدچیلر «قانونلرنی» قتّيق و ظلمکار دېب حسابلهیدی، اما بو قانونلر اسلام شریعتیگه اساسلنگن.
طالبان عدلیه وزیرلیگی آلدینراق بو گروهنینگ «قانونلرینی» تنقید قیلگنلرنی جنایتچی دېب حسابلشینی و جوابگرلیککه تارتیلیشیدن آگاهلنتیرگن اېدی.
انسان حقوقلری تشکیلاتلری اوشبو «اصولنامه»نی دیني آزچیلیکلرنی باستیریش و قرشی چیققنلرنی اۉلدیریش اوچون انیق حجت دېب حسابلهیدی.
