طالبلرنینگ ساغلیقنی سقلش وزیرلیگی مملکتنینگ 18 ولایتیده پولیوگه قرشی اېملش کمپاینی باشلنگنینی معلوم قیلدی.
اوشبو وزیرلیک مطبوعات سۉزلاوچیسی شراف زمان امرخیل دوشنبه کونی، 13 دلو، مذکور کمپاین کابل، ننگرهار، لغمان، کنر، نورستان، پکتيا، پکتیکا، خوست، غزنی، بادغیس، هرات، قندوز، فاریاب، بلخ، زابل، ارزگان، هلمند و قندهار ولایتلریده باشلنگنینی ایتدی.
شراف زماننینگ سۉزلریگه کۉره،5 یاشگچه بۉلگن 7،3 میلیون باله اېملنیشی رېجهلشتیریلگن.
«پولیودن بۉش افغانستان» مؤسسهسی هم اوشبو کمپاین باشلنگنینی تصدیقلهدی.
بو کمپنی خلقارا تشکیلاتلر همکارلیگیده عملگه آشیریلماقده.
جهان ساغلیقنی سقلش تشکیلاتی گزارشیگه کۉره، 2025 ییلده بادغیس و هلمند ولایتلریده پولیونینگ ایکّی ایجابي حالتی قید اېتیلگن.
پولیو کسللیگی حلی هم افغانستان و پاکستانده تۉلیق یۉق قیلینمهگن.
