بیرلشکن ملتلر تشکیلاتی خوفسیزلیک کېنگشی ینگی معلوماتی اساسیده، طالبانگه قرشی تحریملرنی کۉزهتووچی هیاتینینگ ماموریتی جاری میلادی آی یکونیگه قدر تیکشیریلیب، اونینگه دوامی آواز آلیشگه قۉییلهدی.
اوشبو تحریملرگه کۉره، طالباننینگ کمیده ۱۳۰ اعضاسی چیتایلگه سفر قیلیشدن محروم دیر.
طالباننینگ افغانستاندهگی حاکمیتیدن چمهسی تۉرت-یریم ییل اۉتماقده. بیراق بو حاکمیت هلی هم بیرلشکن ملتلر تشکیلاتی خوفسیزلیک کېنگشی تحریملری آستیده دیر.
طالبانگه قرشی بو تحریملر دوام اېتگن بۉلسه هم بیراق بو گروه اعضالری میلادی ۲۰۲۱ – ییلدن بیری که قدرتگه کېلگنلر. چیتایللیک سفرلرینی دوام بېریب کېلماقده دیر. دیمک طالبان اعضالری قطر و اماراتدن توتیب، چین و روسیهگه قدر سفر قیلگن و بو حقده تحریملر نظرده توتیلگن اېمس.
طالبان، افغانستاننینگ تینچلیگی اوچون تهدید تانیلر اېکن، میلادی ۱۹۹۹ – ییل بیرلشکن ملتلر تشکیلاتی تحریملری رویخطیگه کېردی. بیراق بوگونلر طالباننینگ قتتیق سیاست و یاندهشوولری و اهالی حقوقلرینی کینگ بوزوشی دوام اېتهیاتکن بیرحالده، نه یالغیز تحریملر تاثیر قیلمهگن، بلکه اوشبو تحریملر یالغیز کاغذ یوزیده قالهیاتکنی حقیده تنقیدلر موجود دیر.
