فاریاب ولایتیده طالبان خوفسیزلیک رسمیلرینینگ ایتیشیچه، بو ولایتنینگ قیصار تومنیده، اۉز تورموش اورتاغینی اۉققه توتیب اۉلدیریشگه اورینگن شخص حبسگه آلینگن.
بو حقده نشر اېتیلگن معلوماتگه کۉره، مذکور شخص قۉلیدهگی تفنگچه بیلن عیالینی اۉققه توتیب اۉلدیریشگه قصد قیلگن اېکن که بو ایش بجریلیشیدن ایلگری، طالبان حربیلریدن تامانیدن توتقینگه آلینگن.
طالبان مذکور شخص آلدیدهگی قورال هم ناقانونی حالده سقلنگنینی معلوم قیلگن.
طالبان تامانیدن بو حقده نشر اېتیلگن معلوماتده، بو شخص نیمه سبب بیلن اۉز تورموش اورتاغینی اۉلدیریشگه قصد قیلگنی حقیده تفصیلات بېریلگن اېمس.
ایتیش کېرهک که طالبان حاکمیتی دوریده، افغانستان تورلی حدودلریده عیاللرگه نسبتن زورهوانلیک رقمی آشگن.
