اۉزبېکستان جمهورلیک ریاست مطبوعاتی خذمتینینگ اعلام قیلیشیچه، بو مملکت جمهور باشلیغی شوکت میرضیایف رسمی تشریف بیلن بوگون پنجشنبه ۱۶ – دلو، پاکستانگه جونهب کېتگن.
بو حقده نشر اېتیلگن بیاناتده، اوشبو سفر پاکستان باش وزیری شهباز شریف تکلیفی اساسیده عملگه آشیریلگنی بیلدیریلگن.
شونینگدېک اۉزبېکستان دولت رهبری، اوشبو سفری دوامیده ایککی تامانلمه مناسبتلر و استراتیژیک همکارلیکلر خصوصیده، پاکستان یوقاری مرتبهلی رسمیلری اینقسه بو مملکت باش وزیری بیلن اوچرهشیشی ریجهلشتیریلگنی معلوم قیلینگن.
عینی حالده، بو تشریف دوامیده اۉزبېکستان و پاکستان اۉرتهسیده مهم همکارلیک کېلیشوولری امضالنیشی هم کوتیلهدی.
بونگه قوشیمچه، اۉزبېکستان و پاکستان رسمیلری اشتراکیده، ایککی مملکت اۉرتهسیده قۉشمه بزنس فورمی و شونگه اوخشش باشقه تدبیرلر اۉتکزیلیشی هم ریجهلشتیریلگن.
ایتیش کېرهک که میرضیایفنینگ بو سفری ایککی کونلیک بۉلیب، اۉزبېکستان دولت رهبری اېرته هم پاکستانده بۉلهدی.
