تورکیه استخبارات ادارهسی یاده «میت» معلوماتیگه اساسلنیب نشر اېتیلگن خبرلرگه کۉره، بو مملکت حربیلری اسراییلنینگ مهم جاسوسلریدن بیرینی اوشلهگن.
ایتیلیشیچه، تورکیهده اسراییلنینگ استخبارات ادارهسی یا ده «موساد»گه جاسوسلیک قیلیش بیلن عیبلنگن، مرمر تاشی سوداگری محمد بوداک دریا و اونینگ یاردمچیسی ویسل کریماۉغلو حبسگه آلینگن.
بو حقده نشر اېتیلگن معلوماتگه کۉره، بوداک دریا میلادی ۲۰۰۵ – ییلدن بویان آلیب بارگن خلقارا سوداگرلیک فعالیتلری آرقهلی، موساد اعتباریگه توشگن اېکن.
تورکیه استخبارات ادارهسی، بو سوداگر میلادی ۲۰۱۲ – ییل اروپاده موساد آدملری بیلن اوچرهشیب، شو وقتدن بیری موسادگه جاسوسلیک قیلماقده اېکن.
عینی حالده، تورکیه خوفسیزلیک رسمیلری اسراییل بو ایککی جاسوسی همکارلیگیده خلقارا سوداگرلیک تامیناتلریگه نفوذ قیلیب، نشانگه آلگن مملکتلر و موسسهلرگه قرشی لوجستیک عملیاتلرنی بجریشنی ریجهلشتیرگنی هم اعلام قیلینگن.
