پاکستان ایچکی ایشلر وزیری محسن نقوی، یقینده بو مملکت پایتختی اسلام آباد شهریده، اویوشتیریلگن هجوم حقیده معلومات بېریب ایتیشیچه، اوشبو هجوم افغانستان بیر وطنداشی تامانیدن اویوشتیریلگن اېکن.
شونینگدېک محسن نقوی بو هجوم، افغانستان حدودیده ریجهلشتیریلیب، پاکستانده عملگه آشیریلگنینی ادعا قیلگن.
پاکستان ایچکی ایشلر وزیری بو حقده بۉلگن بیاناتیده تاکیدلشیچه، حاضر افغانستانده ۲۱ ترورچی گروه اعضالری حضوری بار دیر. او شونینگدېک بو گروهلر جنگریلر طالبان تامانیدن معاش آلیشینی هم تیلگه آلگن.
ایتیش کېرهک که بوندن ایلگری، طالبان مدافعه وزیرلیگی بیر بیانات نشر قیلیب، بو هجومگه قۉللری بارلیگی ادعاسینی ناتۉغری دېب اعلام قیلگن اېدی.
دیمک پاکستانده شیعهلرگه تېگیشلی مسجدده اویوشتیریلگن بو هجوم، طالبان و پاکستان اۉرتهسیده ینهده تارتیشوولرنی اۉرتهگه آلیب کېلگن.
جمعه نمازی چاغی اویوشتیریلگن بو هجومده اۉنلب آدم قربان بۉلدی.
