بیرلشکن ملتلر تشکیلاتینینگ افغانستاندهگی نمایندهلیگی یا -ده «یوناما» بوگون یکشنبه ۱۹ – دلو، بیر حسابات نشر قیلیب، افغانستانده دوام اېتیب تورگن انسان حقلری احوالی خصوصیده معلومات بېردی.
دیمک یوناما بو حساباتیده، میلادی ۲۰۲۵ – ییل اکتوبر، نوامبر و دسمبر آیلری دوامیده، افغانستان گواهی بۉلگن وضعیت حقیده معلومات بېرگن.
حساباتگه کۉره، اوشبو اوچ آی دوامیده طالبان افغانستان سابق حکومت حربیلریدن ۲۸ کیشینی حبسگه آلگن، بو حربیلردن ۱۴ کیشی اۉلدیریلگن و ۷ کیشی اېسه کلتکلنگن.
یوناما اۉز حساباتیده، افغانستانده اۉلدیریلگن سابق حربیلردن بیر قنچهسی ایراندن قیتیب کېلگنینی معلوم قیلگن.
عینی حالده، یوناما میلادی اۉتگن ییل نینگ یکونلی اوچ آییده، طالبان تامانیدن خوست و بادغیس ولایتلریده ایککی کیشی عامه حضوریده اعدام اېتیلگن و عیاللر شامل کمیده ۲۸۷ کیشی دُره اوریلگن.
شونینگدېک بو اوچ آی دوامیده، طالبان امر به معروف خادملری تامانیدن ۵۲۰ کیشی حبسگه آلینگنی و بو جملهدن ۵۰ کیشی بیلن طالبان یامان یاندهشووده بۉلگنی هم قید اېتیلگن یوناما حساباتیده.
یوناماگه کۉره، مذکور شخصلر طالبان تامانیدن حجابنی رعایه قیلمسلیک، سقالی حالتی و موسیقه اېشیتیش عیبلاولری بیلن حبسگه آلینگن.
عینی حالده بیرلشگن ملتلر تشکیلاتینینگ نمایندهلیگی معلوماتی اساسیده، افغانستانده طالبان قماقخانهلریده محبوس شخصلر رقمی هم ۳۰ الی ۳۲ مینگ کیشیگه یېتگن.
طالبان میلادی ۲۰۲۵ – ییل یکونلی اوچ آیی دوامیده، خاتین-قیزلرگه قرشی چېکلاولرینی بېکار قیلمهی بلکه اولرگه نسبتن چېکلاولرنی کۉپهیگنی هم بیلدیریلگن یوناما حساباتیده.
یونامانینگ اعلام قیلیشیچه، شو مدت ایچیده طالبان تامانیدن، تورموشگه تیار بۉلمهگن بیر قیز حبسگه هم آلینگن.
