مارشال عبدالرشید دوستم، افغانستان سابق پیلوتلریدن بۉلمیش خواجه تاج محمدنینگ فاتحهسیگه کېلگنلر بیلن انقرهدهگی یشش اوییده کۉریشگن. اوشبو کۉریشیشده، طالبان حکومتینی فساد و ایریمچیلیک، انسانلرگه ظلم و عدالتسیزلیک سیاستینی ایزلهگنی بیلن عیبلهگن.
بو سیاسی رهبرنینگ ایتیشیچه، فساد و ایریمچیلیک حکومتلر بیخینی اوزهدی و تیزلیکده نابود بۉلیشیگه یۉل آچهدی.
تورکیهنینگ ایریم ولایتلریدن انقرهگه کېلگن فعاللر و مدنی اویوشمهلر اعضالری حضوریده، طالباننینگ حاضرگی سیاستینی قتتیق تنقید قیلگن مارشال دوستم، جنبش حزبینینگ دوریدهگی ایزلهگن سیاستی و انسانلرگه قرشی معاشرتینی اېسلب اۉتدی.
مارشال دوستمگه کۉره، طالبان یۉقلیککه محکوم سیاستی؛ فساد و ایریمچیلیکلری بیلن تاریخ باتلاغیگه باتیب کېتهدی. اوچرهشوو اشتراکچیلریگه قیرق ییللیک سیاسی تجربهسیدن قصه قیلگن مارشال عبدالرشید دوستم؛ هر بیر دولت، انسانلر آسایشتهلیگینی توشونمهی، فسادگه غرق بۉلسه، او دولت یوقلیککه یوز بورهدی دیگن.
جنبش حزبی حکومتی دوریده تورکستان ولایتلریده خلق آسایشتهلیگی، قیزلر اوچون مکتبلر ایشیگی آچیق بۉلگنی و ایرکین یشش زمینی یرهتیلیب بیریلگنی ایتیلماقده.
