پاکستان مدافعه وزیری خواجه محمدآصف، ینه بیربار افغانستانده ترورچی گروهلر بارلیگیدن تنقید قیلیب، بو گروهلرنی پاکستان اوچون کتته تهدید دېب معلوم قیلگن.
پاکستاننینگ «جیونیوز» کانالی تامانیدن نشر اېتیلگن اوشبو بیاناتده، پاکستان مدافعه وزیری افغانستانده حضوری بۉلگن کېچیک ترورچی گروهلر ایریم مملکتلر تامانیدن قوللب-قوتلنگنینی هم تیلگه آلگن.
خواجه محمد آصف اوشبو گروهلر حضوری و پاکستانگه ضد حرکتلریدن بیری اسلام آبادگه اویوشتیریلگن سونگی هجوم دېب بیلدیرگن.
دیمک بوندن ایلگری هم، پاکستان مدافعه وزیری اوشبو هجوم طالبان و هندوستان تامانیدن قوللب-قوتلنگن گروه تامانیدن اویوشتیریلگنینی ادعا قیلگن اېدی.
عینی حالده، پاکستان مدافعه وزیری طالبان حاضرگچه بو گروهلر فعالیتلری، آلدی آلینیشی اوچون هیچ قندهی کفالت بېرگن اېمس دېب تاکیدلگن.
ایتیش کېرهک که یقینده پاکستاننینگ اسلام آباد شهریده شیعهلر مسجدیده اویوشتیریلگن هجوم نتیجهسی کمیده ۳۳ کیشی جان بېریب و ینه اۉنلب کیشی یرهلنگن اېدی.
طالبان بو هجوم اولرگه تېگیشلی بۉلمهگنینی تاکیدلب کېلماقده بۉلسهده بیراق پاکستان رسمیلری اېسه طالبان پاکستاننینگ بوکبی ناتینچلیکلری آرتیده دېب بیلدیرماقده.
