طالبان تشقی ایشلر وزیرلیگینینگ اعلام قیلیشیچه، کابلده طالبان و خلقارا تشکیلاتلر وکیللری اۉرتهسیده، دوحه ییغینیگه عاید بیر مجلس اۉتکزیلگن.
ایتیلیشیچه، دوحه ییغینی ایش گروپینینگ اوچینچی دور مجلسی بۉلمیش اوشبو ییغینده، بو ییغینگه عاید تورلی مسالهلر همده طالبان و خلقارا تشکیلاتلرنینگ افغانستاندهگی همکارلیکلری حقیده بحث اېتیلگن.
طالبان تشقی ایشلر وزیرلیگی بو ییغینده، طالباننینگ تشقی ایشلر، مالیه، صناعت و تجارت ایش و اجتماعی ایشلر وزیرلیکلری و مرکزی بانکینینگ نمایندهلری همده افغانستانده بیرلشگن ملتلر تشکیلاتی نمایندهلیگی یا -ده یوناما وکیلی و شونگه اۉخشش باشقه بیر قنچه خلقارا تشکیلات وکیللری اشتراک اېتگن.
ییغینده طالبان وکیللری بو حاکمیتنینگ بجرگن ایشلری همده خلقارا تشکیلاتلر وکیللری افغانستان سکتوریدن بۉلگن حمایهلری حقیده صحبت قیلگن.
ایتیش کېرهک که طالبان حاکمیتگه قیتگنیدن بیری، بیرلشگن ملتلر تشکیلاتی افغانستان تقدیری خصوصیده دوحه ییغینینی اۉتکزیب کېلماقده دیر. بیراق اوشبو ییغینده طالبانگه کۉپ اعتبار قرهتیلیشی سبب، بو ییغیندن بۉلگن امیدلر یۉقالگن شو سبب سۉنگی وقتلرده ییغین هم اۉز صلابتنی قۉلدن بېرگن.
