خلق ارا تینیقلیک تشکیلاتینینگ ینگیدن ترقتگن گزارشیگه کۉره، طالبان حاکمیتی آستیده بۉلگن افغانستان مملکتی ۲۰۲۵- ییلده فسادگه قرشی کورهشیش خلق ارا تېکشیریلیشیده تۉرت پله پسگه توشیب ۱۶۹ اۉرینده تورگن.
بوگون سه شنبه ۲۱ دلو ده ترقهتیلگن سره ده، افغانستان ۱۸۲ اولکه و منطقه آرهسیدن ۱۰۰ دن ۱۶ امتیاز قۉلگه کېلتیریب ۱۶۹- اۉرینده تورگن؛ بیراق ۲۰۲۴- ییلیده ۱۷ امتیاز قۉلگه کېلتیریب ۱۶۵- اۉرینده تورگن اېدی.
۲۰۲۵- ییلده تېکشیریلگن سره ده، دنمارک اولکهسی ۸۹ امتیاز بیلن رویخط باشیده و اوندن سۉنگ فنلاند و سنگاپور اولکهلری ایکینچی و اوچینچی اۉرینلرده تورگن. بو رویخط اساسیده ونزوئلا، سومالیا و جنوبی سودان اوچ اولکه اېنگ قویی درجهده بۉلگنلر.
فسادنی انیقلش تیزیمیده، دنیا و منطقه بۉیلب ۱۸۲ اولکه دولتی بۉلیملرده فساد میزانی نظرده آلینیب سره ده قرار تاپهدیلر و نتیجه مقیاسی ۰ یعنی اېنگ کۉپ فاسددن ۱۰۰ یعنی پاک بۉلگنلیگی انیقلنهدی.
