طالبان مالیه وزیرلیگی بوگون پنجشنبه ۲۳ – دلو بیر بیانات نشر قیلیب، افغانستان و سعودی عربستاننینگ قۉشمه اقتصادی کمیسیونی قیته فعال اېتیلیشیدن خبر بېردی.
بو حقده نشر اېتیلگن بیاناتگه کۉره، اوشبو قرار طالبان رهبری بویروغی اساسیده آلینگن بۉلیب، مشترک کمیسیون اعضالری هم تانیشتیریلگن.
شونینگدېک طالبان مالیه وزیرلیگی بو کمیسیون اعضالری اۉرتهسیده ایلک ایش مجلسی هم اۉتکزیلگنینی معلوم قیلدی.
ییغینده، طالبان ایش و اجتماعی ایشلر وزیری عبدالمنان عمری، مالیه وزیرلیگی اۉرین باسری سلطان محمدزبیر، مدنیت و اخبارات وزیرلیگی مالی و اداری اۉرین باسری قدرتالله جمال و شونگه اۉخشش باشقه وزیرلیکلر و ادارهلر وکیللری اشتراک قیلگنی قۉشیمچه قیلینگن طالبان مالیه وزیرلیگی بیاتیده.
طالبان بو کمیسیون آرقهلی، سعودی عربستان بیلن اقتصادی همکارلیکلر کېنگهیشینی تاکیدلگن.
