ایریم یېتکیرمهلر تامانیدن نشر اېتیلگن خبرلرگه کۉره، قزاقستاننینگ آستانه شهری میزبانلیگیده افغانستان مسالهسیگه عاید بیر ییغین اۉتکزیلهدی.
بو حقده نشر اېتیلگن معلوماتلر اساسیده، اوشبو ییغین اېرته دوشنبه کونی ۲۷ – دلو افغانستان خصوصیده تاثیرلی مملکتلرنینگ «علاقه گروهی» دایرهسیده اۉتکزیلهدی.
دېمک ییغینده، منطقه مملکتلرینینگ افغانستان بۉییچه مخصوص وکیللری اشتراک اېتیشی کوتیلهدی.
ایتیلیشیچه بو ییغینده، افغانستانده دوام اېتیب تورگن وضعیت و منطقوی همکارلیکلر خصوصیدهگی مسالهلر محاکمه قیلینهدی.
ایتیش کېرهک که بوندن ایلگری هم دنیانینگ تورلی مملکتلریده افغانستان خصوصیده ییغینلر اۉتکزیلگن. بیراق حاضرگچه بو ییغینلر طالبان حاکمیتیده بۉلگن افغانستان وضعیتی اۉزگریشی اوچون اۉنملی نتیجه بېرگن اېمس.
