کابلده اۉزبېکستان اېلچیسی آیبیک عثماناف، بو شهرده اۉتکزیلگن «بویوک متفکرلریمیزنی اېسلب» نامی ییغینیده نطق سۉزلب، امیرعلیشیر نوایی و ظهیرالدین محمد بابر نهفقط افغانستان و اۉزبېکستان اوچون بلکه اۉرته آسیا باشقه مملکتلریگه قۉشیمچه پاکستان و هندوستاننینگ هم مشترک میراثی دېب معلوم قیلدی.
عثماناف گه کۉره، بو بویوک تاریخی سیمالر ییریک بیر تمدنگه حصه قۉشیب اۉزلریدن بیبها میراث قالدیرگن.
شونینگدېک اۉزبېکستان اېلچیسی نوایی و بابر حضرتلری قالدیرگن میراث قدرلنیشینی هم تاکیدلدی.
بونگه قوشیمچه، اۉزبېکستان اېلچیسی مزارشریف شهرینینگ قلعه غازیان کۉچهسیده اۉزبېکستان حکومتی و طالبان همکارلیگیده بیر ینگی یادگارلیک قوریلیشینی معلوم قیلدی.
اونگه کۉره، اوشبو یادگارلیک بنیادینینگ آچیلیش مراسمی بوگون اۉتکزیلهدی.
اۉزبېکستان ایلچیسی بو یادگارلیک حقیده آرتیقچه تفصیلات بېرگن اېمس. بو شوندهی بیرحالده دیر که طالبان مزارشریفده نوایی هیکلینی یۉق اېتگنیدن سۉنگ یادگارلیک قوریش وعدهسینی بېرگن اېدی بیراق حاضرگچه بو وعده عملگه آشیریلگن اېمس.
