قزاقستان تشقی ایشلر وزیرلیگی افغانستان ایشلری بۉییچه اۉرته آسیا اولکهلرینینگ مخصوص نمایندهلری اشتراکیده منطقهای علاقه گروهینینگ فوقالعاده ییغینی، منطقهای همکارلیکلر و خوفسیزلیک مسئلهلریگه قرهتیلگن حالده یکشنبه کونی اۉتکزیلگنینی معلوم قیلدی.
بو ییغینده قزاقستان، قرغیزستان، تاجیکستان و اۉزبېکستان مملکتلرینینگ نمایندهلری حضوری بۉلیب، افغانستاننینگ خوفسیزلیک وضعیتی و طالبان بیلن عملی همکارلیکلر یۉللری بارهسیده سۉزلشگنلر.
بیراق بو ییغینده طالبان رسمیلریدن چقریلمهگن.
قزاقستان تشقی ایشلر وزیرلیگی تامانیدن ترقهتیلگن بیاناتگه کۉره، بو ییغینده طرفلر افغانستان یۉلی آرقهلی ترانسپورت و ترانزیت دهلیزلری کېنگهییشی، اقتصادی و سوداگرلیک علاقهلری رواجلهنیشی و منطقهای خوفسیزلیکلر تېکشیریلگن.
شونینگدېک، بو ییغینده قتنشگنلر، افغانستان خوفسیزلیگی برقرارلنیشی ساحهلریده اۉرته آسیا اولکهلرینینگ سعی و حرکتلری و هماهنگلیکلری اهمیتی خصوصیده تاکید قیلیشگنلر.
ایتیلیشیچه، بو ییغیننینگ آلدینگی دوری 26- اگستده اۉزبېکستان مملکتینینگ تشبثی بیلن تاشکېنتده اۉتکزیلگن اېدی و بو ییغینده اۉزبېکستان، قزاقستان، تاجیکستان و قرغیزستان نمایندهلری قتنشگن اېدیلر.
