طالباننینگ نورستان ولایتیدهگی کان و پترولیم ادارهسی باشلیغی سید رحیم امیر، اۉن بیرمینگ ۷۸۷ کیلوگرام قیمتبها و یریم قیمتبها تاشلر ساتیلگنینی معلوم قیلدی.
اونینگ سۉزلریگه کۉره، بو تاشلر آرهسیده کنزیت، بیروج، بلور و مارگنیت بار بۉلیب، اولر دوآب اولسواللیگیدهگی ماوی کانلریدن قزیب آلینگن.
اونینگ ایتیشیچه، بو تاشلر ۱۱۳ میلیون ۵۶۹ افغاني قیمتیده بیر داوطلبلیک آرقهلی ساتیلگن.
امیر قۉشیمچه قیلیشیچه، بو سودادن ۱۱ میلیون ۳۵۶ مینگ افغاني طالبان ادارهسی خزینهسیگه اۉتکزیلگن.
طالبان بوندن اوّل هم نورستان کانلریدن قزیلگن قیمتبها تاشلرنی یوز میلیونلب افغاني قیمتیده ساتگن.
افغانستان نینگ یېر آستی بایلیکلرینی طالبان نظارتی آستیده قزیب آلیش جوده فعال دوام اېتماقده؛ بو حالتنی طالبان نینگ رقیبلری افغانستان بایلیکلری نینگ تالانی دېب اتشهدی.
