جَنوبي کوریا محکمهسی مملکتنینگ سابق جمهور رییسی یون سوک یول،۲۰۲۴ییلده حربي حکومت اعلان قیلگنی سببلی عمرباد قماققه حکم قیلیندی.
یونهاپ اخبارات اگېنتلیگی نینگ خبریگه کۉره، اوشبو حکم بوگون (پنجشنبه،۳۰دلو) جنوبی کوریا پایتختی سئولدهگی محکمهده چیقریلدی.
محکمه تأکیدلهگنیدېک، حربي حکومت اعلان قیلیش قۉزغآلان حسابلنهدی، چونکه سابق جمهور رییس پارلمان حدودیگه قۉشینلرنی یوباریش آرقهلی ملي مجلسنی ایشدن تۉختهتیشگه اورینیب، قانونچیلیک اۉرگانینی پرهلی قیلماقچی بۉلگن.
محکمه مجلسی سابق جمهور رییس اشتراکیده اۉتکزیلگن و مملکتنینگ دولت تلویزیونیده جانلی نشرگه اوزهتیلگن.
یون سوک یول۲۰۲۴-ییل دسامبر آییده کوتیلمهگن تلویزیون نطق آرقهلی جَنوبي کوریاده حربي حکومت اعلان قیلگن و اوردوگه پارلماننی اېگهللش بۉییچه بویروق بېرگن.
اما جَنوبي کوریا پارلمانینینگ اعضالری اوردوگه قرشی چیقیب، دېوارلرنی آشیب، بناگه کیریب، اوشبو قرارگه قرشی آواز بېرگنلر.
سابق جمهور رییس بیر نېچه ساعتدن سۉنگ قرارینی بېکار قیلگن و حربي حکومتنی توگهتگن.
اما بو قرار اونینگ جوابگرلیککه تارتیلیشیگه، جمهور رییسلیکدن چېتلهتیلیشیگه و آخر-عاقبت عمرباد قماققه حکم قیلینیشیگه سبب بۉلگن.
