بدخشان ولایتیده طالبان محلی رسمیلرینینگ تصدیقلشیچه اۉتگن کوندن بېری بو ولایتده اوچ علحیده ترافیک حادثه یوز بېریب، اهالیدن قربانلیک آلگن.
معلوماتلرگه کۉره، کشم-فیضآباد عمومی قتناو یۉلیده بیر موتر یۉلاوچیلری بیلن بیرگه کۉکچه دریاسیگه قولیب توشگن.
اوشبو حادثه نتیجهسیده حاضرگچه اوچ کیشی جسدی دریادن چیقریلگنی معلوم قیلینگن.
عین حالده اۉتگن کون دوامیده هم بدخشان ولایتی کشم تومنیده ایکّی حادثه یوز بېرگنی قید اېتیلگن.
بو حقده نشر اېتیلگن معلوماتلرگه کۉره، اۉتگن کون توشدن ایلگری بدخشان ولایتی کشم تومنینینگ بلوچلر منطقهسیده ایکّی موتر تۉقنشگنی عاقبتیده بیر کیشی جان بېریب و ینه تۉرت کیشی یرهلنگن.
شونینگدېک اۉتگن کون دوامیده کشم تومنینینگ مادابه منطقهسیده هم ایکّی موترسایکل تۉقنهشگنی عاقبتیده هم ایکّی کیشی آغیر یرهلنیب کسلخانهگه آلیب باریلگنی معلوم قیلینگن.
ایتیش کېرهک که سۉنگی وقتلرده افغانستان تورلی حدودلریده ترافیکی حادثهلر سانی کۉپهیگن.
