آستانه تایمزنینگ خبر بېریشیچه، ۱۹ فبروری کونی آستانهدهگی توران بیلیم یورتیده “بویوک دشت نینگ یازمه مېراثی” آتلی کۉرگزمه تقدیم اېتیلدی. تدبیر قۉل یازمهلر و تاپیلمس یا نادر کتابلر ملی مرکزی تمانیدن تشکیل اېتیلدی. کۉرگزمه بویوک دشت حدودیده یازمه مدنیتنینگ تاریخی رواجلنیشینی یاریتیب، اونینگ قدیمگی دورلردن زمانهوی دورگچه بۉلگن یوکسلیشینی کۉرستهدی.
کۉرگزمهده ۸ و ۷ عصرلرگه تېگیشلی قدیمگی تورکی تیلده یازیلگن تاپیلمس قۉل یازمهلر شونینگدېک قرهخانیلر، آلتین اردو و قزاق خوانلیگی دوریگه منسوب حجتلر نمایش اېتیلدی. بو حقده مدنیت و اخبارات وزیرلیگی خبر بېردی.
اثرلر آرهسیده عرب، فارس و چغتای تیللریدهگی متنلر، اینیقسه قدیمگی تورکی یازوو نمونهلری و آلتین اردو یازوویدهگی نشرلر هم موجود.
تدبیر دوامیده قتنشگنلرگه اوشبو یازمه اېسدهلیکلرینینگ تاریخی اهمیتی، اولرنی اۉرگنیشنینگ اۉزهل اصوللری، اینیقیسه سقلش استراتیژیلری حقیده معلومات بېریلدی. تشکیلاتچیلر بو کبی متریاللرنی منطقهنینگ مدنی و انتیلکتوول(فکری) تاریخینی تصدیقلاوچی، مهم دلیللر صفتیده اسرهش ضرورلیگینی تاکیدلهدی.
