طالبان باش محکمهسی نشر قیلگن علیحده بیاناتلرگه کۉره، بو حاکمیت محلی رسمیلری تامانیدن بدخشان و زابل ولایتلریده بیر عیال شامل بېش کیشی عامه حضوریده دُره اوریلگن.
بو حقده نشر اېتیلگن بیاناتگه کۉره، طالباننینگ بدخشان ولایتیدهگی محلی رسمیلری بو ولایت اوچ اهالیسینی شراب ساتیش و قاچاق اېتیشده عیبی بیلن عامه حضوریده، جزالهگن.
طالبانگه کۉره، بو شخصلرنی هر بیریگه ۳۹ دُره اوریلیب، اولر ایکّی ییل قماققه تشلنهدی.
عینی حالده، طالبان باش محکمهسی ینه بیر بیانات ترقهتیب، زابل ولایتیده هم بیر عیال و بیر اېرکک جزالنگنینی معلوم قیلدی.
طالبان بو عیال و اېرککنی اویدن قاچیش و قاچیریش عیبی بیلن جزالهگن.
