فاریاب ولایتیده طالبان امنیه قومندانلیگی بیر بیانات نشر قیلیب، اندخوی اولسواللیگیده یوز بېرگن هلاکتلی اۉغیرلیک واقعهسینی تصدیقلهدی.
طالبانگه کۉره، قوراللی تۉرت کیشی بیر دوکانگه باستیریب، ایکّی کیشینی اۉققه توتیب اۉلدیرهدی و ینه بیر کیشینی هم یرهلنتیرهدی.
دېمک مذکور شخصلر، طالبان عسکرلرینینگ یونیفورمیده بۉلگن بیراق طالبان خوفسیزلیک قومندانلیگی بو خصوصده هیچ قندهی فکر بیلدیرگن اېمس.
طالبان امنیه قومندانلیگینینگ ایتیشیچه، مذکور شخصلر حادثه مکانیدن قاچیشگه موفق بۉلگن و حاضرگچه اولر اوشلنگن اېمس.
بو شوندهی بیرحالده دیر که اوشبو واقعهده طالباننینگ قۉلی بارلیگی حقیده فکرلر بیلدیریلماقده دیر.
اهالینینگ فکریچه، کوندوز یاروقلیگیده شهر مرکزی و طالبان حربیلرینینگ یقینیده شوندهی بیر واقعه یوز بېریشی، بو گروه قۉلی بارلیگینی کۉرسهتدی.
ایتیش کېرهک که بوندن ایلگری، طالبان بیر نیچه مرتبه اوی تلاشیلرینی یۉلگه قۉییب عادی اهالی آلدیدن قوراللرنی ییغیب آلگن اېدی و یالغیز بو گروه حربیلری آلدیده قورال قالگن.
