لندن شهری میزبانلیگیده اۉتکزیلگن افغانستانلیک فعاللر ییغینی اشتراکچیلری بیرگهلیکده بریتانیانینگ پارلمان و سنا کېنگشلری اعضالری بیلن هم اوچرهشوو اۉتکزدی.
اوشبو ییغینده، افغانستان ملی اسلامی جنبش حزبی تامانیدن اشتراک قیلگن فعاللردن عبدالله رحیمی اۉزبېک تیوی بیلن بۉلگن صحبتلریده بو اوچرهشوونی تصدیقلهدی.
جناب رحیمینینگ اۉزبېک تیوی گه کۉپهیتیریشیچه، اوشبو اوچرهشوولرده افغانستاننینگ حاضرگی وضعیتی همده خاتین-قیزلر احوالی خصوصیده بحث اېتیلگن.
ایتیش کېرهک که «ایشانچ و همجهتلیک تامان» عنوانی آستیده بۉلگن ییغین بوندن بیر کون ایلگری، بریتانیانینگ پایتختی لندن شهریده اۉتکزیلگن اېدی.
اوشبو ییغینده افغانستان اۉزبېکلری تامانیدن عبدالله رحیمی، نظیف شهرانی، فرهاد ثانی و داکتر گل احمد اشتراک اېتگن.
ییغینده، افغانستان احوالی حقیده فکر المشتیریلدی.
