امریکا قوشمه ایالتلرینینگ نمایندهلر کېنگشی یا ده «کانگرس»نینگ نوبتدهگی ییغینیده، افغانستانده دوام اېتیب تورگن خاتین-قیزلرنینگ احوالی حقیده بحث بۉلیندی.
ییغینده کانگرسنینگ تشقی علاقهلر کمیتهسی باشلیغی برایان مست، جوبایدن حکومتی قراری اساسیده، امریکا قوشمه ایالتلری افغانستاننی ترک اېتگنیدن کېین خاتین-قیزلر احوالی آغیرلشگنیدن تنقید قیلدی.
برایان مست اوشبو قراردن سونگ، طالبان خاتین-قیزلرنی اۉقیش حقیدن محروم قیلگنیدن اېسلب، بو گروه جوابگرلیککه تارتیلیشی کېرهک دېب بیلدیردی.
شونینگدېک، برایان مست تامانیدن افغانستان عیاللرینی قۉللب-قۉتلش مقصدیده بیر لایحه هم ارایه اېتیلگن که کانگرس تامانیدن تصدیقلنگن تقدیرده، طالبان جوابگرلیککه تارتیلشی طلب قیلینهدی.
شونینگدېک، امریکا کانگرسنینگ باشقه اعضالری هم افغانستانده خاتین-قیزلر احوالیدن خواطر بیلدیریب، افغانستانگه نسبتن واشنگتن سیاستی اوچون انسان حقلری مسالهسی مهم دېب تاکیدلهگن.
