چین تشقی ایشلر وزیرلیگی بیر بیانات نشر قیلیب، پاکستان واسطهچیلیگیده بۉلگن امریکا و ایران مذاکرهلرینی قۉللب-قوتلهشینی بیلدیردی.
اوشبو بیاناتده ایتیلیشیچه، بو مسالهنی چین تشقی ایشلر وزیری وانگ یی، پاکستان باش وزیرینینگ اۉرین باسری و تشقی ایشلر وزیری اسحاقدار بیلن بۉلگن تلیفونی ملاقاتده اعلام قیلگن.
شو بیلن بیرگه، چین تشقی ایشلر وزیری بو خصوصده پاکستان بیلن مشترک یاندهشووگه ایگه اېکنینی هم معلوم قیلگن.
عینی حالده، چین تشقی ایشلر وزیری اوروش تیزلیک بیلن تۉختهتیلیشی و خلقارا قانون و قاعدهلر نظرده توتیلیشینی هم بیلدیرگن.
ایتیش کېرهک که بوندن ایلگری، امریکا و ایران وکیللری اوروشنی تۉختهتیش مقصدیده پاکستان یا ده تورکیه میزبانلیگیده مذاکره اۉتکزیشی خبر قیلینگن اېدی.
حاضرگچه بو مذاکره قچان و قندهی اۉتکزیلیشی بیللی اېمس.
