طالبانگه قرشی قوراللی گروهلردن بۉلمیش آزادلیک جبههسینینگ ادعا قیلیشیچه، بو جبهه بدخشان ولایتیده طالبانگه قرشی هجوم اویوشتیرگن.
آزادلیک جبههسی تامانیدن نشر اېتیلگن بیاناتگه کۉره، اوشبو هجوم نتیجهسیده طالبان جنگریلریدن تۉرت کیشی جان بېرگن.
شونینگدېک هجوم عاقبتیده طالباننینگ ینه یېتّی کیشی اعضاسی یرهلنگنی هم قۉشیمچه قیلینگن.
هجوم بدخشان ولایتی بهارک اولسواللیگیده طالباننینگ چېگره کوچلرینینگ کۉزهتوو بناسیگه اویوشتیریلگن.
طالبان حاضرگچه بو هجوم حقیده بیران نرسه دېمهگن.
ایتیش کېرهک که آزادلیک جبههسی بوندن ایلگری هم، افغانستان ایریم حدودلریده طالبانگه قرشی هجوم قیلگنینی ادعا قیلگن. طالبان اېسه حاضرگچه بو هجوملردن بیرانتهسینی تصدیقلب بو خصوصده مناسبت بیلدیرگن اېمس.
