سرپل ولایتیده طالبان خوفسیزلیک قومندانلیگینینگ اعلام قیلیشیچه، بو ولایتده ایکّی کیشی بیر قیز بالهنی اۉغیرلشده عیبلنیب حبسگه آلینگن.
طالبان بو شخصلرنی، سرپل ولایتی سانچارک اولسواللیگیده توتقینگه آلگن.
بو حقده نشر اېتیلگن معلوماتگه کۉره، مذکور شخصلر بلخ ولایتیدن بیر قیز بالهنی اۉغیرلب، سانچارککه آلیب کېلگن اېکن.
طالبان بو خصوصده، پولیس تدقیقاتلری دوام اېتهیاتگنینی هم بیلدیرگن.
بو شوندی بیرحالده دیر که طالبان حاکمیتیده، افغانستان تورلی حدودلریده ناتینچیلیکلر کۉپهیگن.
طالبان افغانستان بویلب خوفسیزلیک تامینلنگنینی دعوا قیلر اېکن بیراق مملکت تورلی حدودلریده آدم اۉلدیریش و اۉغیرلیک کبی جنایی جرملر سانی کۉپهیگن.
