امریکا قوشمه ایالتلریده افغانستانلیک مهاجرلر اوچون فعال «افغان ایوک» نهادی معلوماتیگه اساسلنیب نشر اېتیلگن خبرلرگه کۉره، امریکا قوشمه ایالتلری قطرده امریکاگه کېتیشنی کوتیب تورگن مهاجرلرنی کانگوگه یوباریشگه قرار قیلگن.
ایتیلیشیچه، اوشبو مهاجرلر کۉپینچه سابق حکومت دوریده امریکالیکلر بیلن بیرگه ایشلهگن شخصلر و اولرنینگ عایلهلری دیر.
امریکا بو مهاجرلرنی کانگوگه کېتیش یا ده افغانستانگه قیتریلیشدن عبارت ایکّی تنلاو اۉرتهسیده قۉیگن.
امریکا حکومتینینگ بو قراری جدّی تنقیدلرگه هم سبب بۉلگن.
امریکالیک سناتور اندی کیم، اوشبو قرارنی تنقید قیلیب، بو شخصلر آغیر شرایطده امریکا بیلن همکارلیک قیلگنینی معلوم قیلدی.
ایتیش کېرهک که قطر کمپیده کۉپلب مهاجرلر، طالبان حاکمیتگه قیتگنیدن بیری تقدیرسیزلیکده قالماقده دیر.
