طالبلر ساغلیقنی سقلش وزیرلیگی بو گروهنینگ ساغلیقنی سقلش وزیری نورجلال جلالی اۉزبېکستان ساغلیقنی سقلش وزیری اصیلبیک خدایاروف بیلن اوچرهشگنیدن خبر بېردی.
بو حقده نشر اېتیلگن بیاناتگه کۉره، اوچرهشوو بلخ ولایتیده اۉتکزیلیب، اونده اۉزبېکستان و طالبان اۉرتهسیده ساغلیق و دارو ایشلب چیقریش ساحهسیده همکارلیکلر بۉییچه بحث اېتیلگن.
شونینگدېک، اوچرهشووده زمانوی ساغلیق خذمتلری ترقهتیلیشی خصوصیده تاکیدلنیب، طالبان ساغلیقنی سقلش وزیری اۉزبېکستاندن کسللرگه ویزه بېریش جریانیده قولهیلیکلر یرهتیلیشینی طلب قیلگن.
شو بیلن بیرگه، طالبان ساغلیقنی سقلش وزیری اۉزبېکستاننینگ دارو ایشلب چیقریش کمپنیلریدن افغانستانده سرمایه یاتقیزیشلرینی هم طلب قیلگن.
ایتیش کېرهک که طالبان تامانیدن پاکستاندن دارو-درمان آلیب کېلینیشی منع اېتیلگنی آرتیدن مملکت بازارلریده دارو تنقیصلیگی سېزیلماقده.
