خلقارا چیگره بیلمس ژورنالیستلر تشکیلاتی بیر حسابات ترقهتیب، دنیا مملکتلری آرهسیده مطبوعات اېرکینلیگی رېتینگی حقیده معلومات بېرگن.
اوشبو حساباتگه کۉره، افغانستان ۱۸۰ مملکت آرهسیدن ۱۷۵ – اۉرینده قرار تاپکن.
بو بیلن، افغانستان دنیا مملکلتلری آرهسیده «مطبوعات اېرکینلیگی درجهسی» اینگ آغیر احوالده بۉلگن مملکتلردن بیری دیر.
افغانستاندن کېین، سعودی عربستان، ایران، چین، شمالی کوریا و اریتره مطبوعات اېرکینلیگی یامان احوالده بۉلگن مملکتلر دیر.
دېیرلی بو حسابات اساسیده، ناروی اۉن ییلدن بیری مطبوعات اېرکینلیگی کۉرینیشده دنیا بویلب بیرینچی مملکت و اریتره اېسه ۱۳ ییلدن بیری اینگ قویی اۉرینده بۉلیب کېلماقده دیر.
افغانستان اخیرگی ییللر دوامیده، مطبوعات اېرکینلیگی کۉرینیشیده ۵۳ اۉرین قویی توشگن.
بو شوندی بیرحالده دیر که افغانستانده طالبان اۉتگن یقین بېش یریم ییل دوامیده کۉپلب ژورنالیستلرنی حبسگه آلیب، تهدید قیلگن. شونینگدېک کۉپلب یېتکیرمهلرنینگ فعالیتی اېسه تۉختهتیلگن.
