طالبان باش وزیرینینگ اقتصادی ایشلر بۉییچه اۉرین باسرلیگی بیر بیانات ترقهتیب، فاریابنینگ «دره آغزی سوو توغانی لایحه»سی شامل افغانستان تورلی ولایتلریده ۱۲ لایحه عملگه آشیریلیشی تصدیقلنگنیدن خبر بېردی.
اوشبو لایحهلر، فاریابنینگ دره آغزی سوو توغانی قۉشیمچه، سرپلده بیر قنچه قیشلاقلرنی برق بیلن تامینلش، فاریاب ولایتی پشتونکوت اولسواللیگینینگ «خشتپُل سوغاریش» لایحهسی، نیمروزده ۴۰ مینگ کیشیلیک ظرفیتگه ایگه مسجد قوریلیشی، هرات-تورغندی و اندخوی-شبرغان تېمیر یۉل لایحهسی و شونگه اۉخشش باشقه بیر قنچه لایحهلردن عبارت دیر.
طالبان اقتصادی اۉرین باسرلیگی بیاناتیده بو لایحهلر حقیده تۉلیق تفصیلات بېریلگن اېمس.
شونینگدېک، طالبلر بو لایحهلر قچان عملگه آشیریلیشی خصوصیده هم هیچ نرسه دېمهگن.
ایتیش کېرهک که فاریابنینگ درهآغزی سوو توغانی لایحهسی اوزاق ییللر دیر که حکومتلرنینگ اعتبارسیزیلیگی باعث عملگه آشیریلمهی کېلگن.
