طالبان سۉزلاوچیسی ذبیح الله مجاهد تامانیدن نشر اېتیلگن معلوماتگه کۉره، بو گروه رهبرینینگ قراری اساسیده، فاریاب والیسی شامل بیر قنچه لوازملر رسمیلری المشتیریلگن.
طالبان فاریابده بو گروهنینگ والیسی اولهراق فعالیت قیلیب کېلگن عبدالاحد فضلینی بو حاکمیت مخابرات و تکنالوژی اخبارات وزیری اېتیب تعیین قیلگن و اۉرنیده بادغیس والیسی بۉلیب کېلگن محمدحنیف حمزهنینگ فاریاب والیسی لوازمیگه تانیشتیرگن.
شونینگدېک، طالبان رهبری بغلان ولایت والیسی عبدالرحمان حقانینی خوست ولایت والیسی، خوست ولایت سابق والیسی عبدالله مختارنی بغلان ولایت والیسی، طالبان باش وزیری اقتصادی اۉرین باسرلیگی مصلحتچیسی محمدولی جاننی بادغیس والیسی و پکتیکا ولایت سابق والیسی اۉرین باسری عبدالسلام سعادتنی حج و اوقاف وزیرلیگی اۉرین باسری اېتیب تعیین قیلگن.
بوندن تشقری طالبان رهبری، باشقه ۱۱ محلی و مرکزی ادارهلر مسووللرینی هم المشتیرگن.
طالبان رهبری بو قراری اساسیده، بیر قنچهلرنینگ والی اۉرین باسرلری و خوفسیزلیک قومندانلری بیر-بیرینی اۉرنیده المشتیریلگن.
