بیرلشگن ملتلر تشکیلاتی بالهلرنینگ قۉللب-قۉتلش صندیغی یا -ده «یونیسف»نینگ اعلام قیلیشیچه، افغانستانده تۉرت میلیوندن آرتیق بالهنی اۉقیش و تعلیم آلیش ساحهسیده یاردم بېرگن.
بو مسالهنی یونیسفنینگ افغانستاندهگی مسوولی تاجالدین اویوالی بوگون چهارشنبه ۱۶ – ثور نشر قیلگن بیاناتیده، معلوم قیلگن.
اویوالیگه کۉره، بو بالهلر سواد اۉرگنیش ساحهسیده تعلیم آلگن.
شو بیلن بیرگه، بیرلشگن ملتلر تشکیلاتینینگ بو ادارهسی افغانستانده ۲۳۲ ته مکتب بناسی قوریلیشیگه هم یاردم بېرگنینی معلوم قیلگن.
بو شوندهی بیرحالده دیر که طالبان حاکمیتی آستیده بۉلگن افغانستاننینگ تعلیم ساحهسی جدّی خواطرلر بیلن دوچ کېلگن.
طالبان چیکلاولری سبب افغانستانلیک قیزلر اۉقیشدن محروملیگی قۉشیمچه، تعلیم ساحهسینینگ صفتی هم خواطرلی بیر درجهده پستگه توشگن.
