اویغور تایمز- (5- می) کونی بوتون دنیا بۉیلب اویغورلر “اویغور دۉپّی (تۉپّی) کونی”نی کېنگ مدنی تدبیریلر بیلن نشانلهدیلر. اوشبو بیرهم شمالی امریکا، اروپا، استرالیا و بویوک تورکستان (مرکزی آسیا)دهگی اویغورلر جماعهلریده اۉتکزیلیب، عمومی مدنی میراثنی اسرهشگه قرهتیلدی.
“دۉپّی (تۉپّی) مدنی فیستوالی” صفتیده هم تانیلگن اوشبو کونده عنعنهوی موسیقی، اۉین (رقص) و ملی آوقتلر نمایش اېتیلهدی. قتنشووچیلرعنعنهوی تۉرت بورچکلی دوپه باش کییمنی کییب، اۉز مدنی اۉزلیگنی افاده اېتدیلر.
اجتماعی ترماقلرده #اویغوردۉپّی (تۉپّی) هشتگی کېنگ ترقلدی. فایدهلنووچیلر تیل، مدنیت و اۉزلیکنی سقلش حقیده فکرلر بیلدیریشدی. کۉپچیلیک دوپه نه فقط کییم، بلکه ملی موجودلیک رمزی اېکنینی تاکیدلهدی.
اویغور انسان حقلری پروژهسی ، اویغور دنیاسی کانگریسی، اویغور امریکن اسوسیشن و کمپیگن فور اویغورس کبی تشکیلاتلر اوشبو کوننی نشانلب، اویغور مدنیتینی قۉللب-قوتلاوچی بیاناتلر اعلان قیلدی.
مدنی فعاللر دوپه اویغور کیملیگی و اۉزلیگینینگ مهم سمبولی اېکنینی تاکیدلهدیلر. 2009 ییلده فعاللردن طاهر امین تمانیدن باشلنگن اوشبو فیستوال بوگونگی کونده گلوبل درجهگه چیقیب، اویغورلر اوچون مدنی دوامیلیک سمبولیگه ایلنگن.
