ایریم گزاشلرگه کۉره، طلوع نیوز تلویزیونی خبرچیلریدن ایکّی کیشی نېچه کون آلدین طالبان تامانیدن حبسگه آلینگن.
طلوع نیوز بیر گزارش آرقهلی بو خبرنی تصدیقلب ایتیشیچه، پشتو بۉلیمیده خبرچیلریدن منصور نیازی و عمران دانش طالبان آرقهلی اوشلنگن و حاضرهم بو گروه قماقخانهسیده سقلنماقده.
بو یېتکیرمه اجتماعی ترماقلریده یازیشیچه، طالبان رسمیلری تیلفون آرقهلی علاقه قوریب قانونی باسقیچ اۉتگزیلگندن سۉنگ بو حقده یېترلیچه معلوماتنی شریک قیلیشینی ایتگن.
حاضرگچه بو ایکّی خبرچینینگ حبسگه آلینیش سببی خصوصیده انیق معلومات ترقهتیلمهگن و بو ایکّی خبرچینینگ وضعیتی قندهی بۉلگنی و نیمه عیب بیلن اوشلنگنی تۉغریسیده تۉلیق خبر ترقلمهگن.
بیراق بو وضعیت افغانستان بۉیلب خبرچیلر و یېتکیرمه فعاللری آرهسیده خواطرلرنی آشیرگن.
عین حالده بوندن بیر نېچه کون آلدین طلوع نیوز تلویزیونینینگ باشیلغی طالبان آرقهلی آلینگن بیر برنامهده «افغانستاندهگی اېرکینلیک منطقهده مثلی یۉق» دېب ایتگن اېدی
